Ատրպէյճան Կը Խախտէ ԵԱՀԿ Պարտաւորութիւնները. Տիգրան Բալայեան

default

Ատրպէյճան զօրավարժութիւններ իրականացնելով կը խախտէ ԵԱՀԿ առջեւ ստանձնած պարտաւորութիւնները: Այս մասին Twitter-ի իր էջին  մէջ գրած է Հայաստանի արտաքին գործոց նախարարի մամուլի քարտուղար Տիգրան Բալայեան:

«Ատրպէյճան զօրավարժութիւններ սկսած է (երկրի նախագահի «վերընտրութեան» քարոզարշաւի ամենամարդաշատ իրադարձութիւնը) ԵԱՀԿ պարտաւորութիւններու բացայայտ խախտմամբ, առանց այդ մասին ԵԱՀԿ մասնակից պետութիւններուն տեղեկացնելու»,- գրած է ան:

Յիշեցնենք, որ Մարտ 12-17 Ատրպէյճանի մէջ կ՛իրականացուին լայնածաւալ զօրավարժութիւններ` զօրքերու տարբեր տեսակներու, կարգերու, ատրպէյճանական բանակի համախումբերու ու միաւորումներու մասնակցութեամբ:

Ատրպէյճանական լրատուամիջոցները` վկայակոչելով պաշտպանութեան նախարարութեան կայքը, կը նշեն, որ զօրավարժութիւններուն մէջ պիտի ներգրաւուին անձնակազմի մինչեւ 25 հազար զինծառայողներ, մինչեւ 250 միաւոր հրասայլեր եւ այլ զինուորական սարքեր, մինչեւ 1000 տարբեր տրամաչափի հրթիռահրետանային կայանքներ, համազարկային կրակի հակազդեցիկ համակարգեր եւ ականանետներ, մինչեւ 50 միաւոր տարբեր նշանակութեան բանակային եւ ճակատային օդուժ: Զօրավարժութիւններու ընթացքին տարբեր զօրավարժարաններու մէջ տեղի պիտի ունենայ մարտական հրաձգութիւն` սպառազինութեան նոր տեսակներու կիրառմամբ, որոնք վերջերս մտած են սպառազինութեան մէջ, կը գրէ «Նիուզ»-ը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS