Ուրկէ Ուր Հասած Ենք. Փայլան Քննադատած է Էրտողանը` «Գորշ Գայլեր»ու Նշանը Ցոյց Տալուն Համար

erdogan

Թուրքիոյ ընդդիմադիր Ժողովուրդներու ժողովրդավարական կուսակցութեան անդամ, խորհրդարանի հայ պատգամաւոր Կարօ Փայլան քննադատած է երկրի նախագահ Ռեճեփ Թայիփ Էրտողանը` Մերսինի մէջ տեղի ունեցած հանրահաւաքի ժամանակ ազգայնական «Գորշ գայլեր» խմբաւորման խորհրդանիշը համարուող նշանը ցոյց տալուն համար:

«Մի՛ բարկանաք: Էրտողան այսօր ցոյց տուաւ այն, ինչ շատոնց յայտնի էր: Ուրկէ ուր հասած են…»,-գրած է ան Twitter-ի իր պաշտօնական էջին մէջ:

Հայ պատգամաւորը նաեւ շեշտած է, որ իրենք վաղուց կը զգուշացնէին Էրտողանի ու անոր կուսակցութեան` ազգայնական բնոյթի մասին:

Տուեալ հանրահաւաքի ժամանակ Էրտողան յայտարարած էր, որ թրքական զինուած ուժերը ամէն վայրկեան կրնան մտնել սուրիական Աֆրին շրջանի նոյնանուն շրջանի կեդրոն-քաղաք: Շարք մը իրաւապաշտպաններ կ՛ահազանգեն Աֆրինի մէջ սպասուող լայնածաւալ կոտորածի մասին եւ կը նշէ, որ ՄԱԿ-ը պէտք է անյապաղ միջոցներ ձեռնարկէ աֆրինեան ողբերգութիւնը կանխելու համար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS