ԱՀ Քաղաքացի Չհանդիսացող Մեր Բոլոր Հայրենակիցներուն, Արցախի Մէջ Հողի Սեփականութեան Իրաւունք Կը Տրուի. Գիւղատնտեսութեան Նախարար

noor

Արցախի Հանրապետութեան քաղաքացի չհանդիսացող մեր բոլոր այն հայրենակիցները, որոնք իրենց ուժերով եւ սեփական ներդրումներով Արցախի մէջ արտադրական նշանակութեան այգիներ պիտի հիմնեն, կը նախատեսուի հողի սեփականաշնորհման իրաւունք տալ:

Ըստ Artsakhpress.am-ի՝ այս մասին ըսած է ԱՀ գիւղատնտեսութեան նախարար Ժիրայր Միրզոյեան` մեկնաբանելով, որ գերատեսչութեան կողմէ այս առումով առաջարկ պիտի ըլլայ հողային օրէնսգրքի մէջ բացառութիւն սահմանելու մեր այդ հայրենակիցներուն համար:

«Սահմանադրութեամբ հնարաւորութիւն չկայ հողը վաճառելու կամ սեփականութեան իրաւունքով տրամադրելու օտարերկրեայ քաղաքացիներուն` բացառութեամբ օրէնքով սահմանուած դէպքերու: Կը կարծեմ` մեր բոլոր այն հայրենակիցները, որոնք կը հանդիսանան այլ երկիրներու քաղաքացիներ, եթէ ցանկութիւն ունենան Արցախի մէջ այգեգործութեան զարգացման համար իրենց ծանրակշիռ ներդրումը ունենալու, բացառիկ իրաւունք պիտի ունենան նաեւ սեփականութիւն ունենանալու: Ասիկա մեր պատկերացումն է»,- ըսած է գիւղատնտեսութեան նախարարը:

Միրզոյեանի խօսքով` կը նախատեսուի հողի սեփականաշնորհման իրաւունք տալ նաեւ ԱՀ այն քաղաքացիներուն, որոնք ունին արտադրական նշանակութեան այգիներ, սակայն անոնք կը գտնուին վարձակալած հողերու տարածքին վրայ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS