Արամ Խաչատրեանի Անուան Պետական Լարային Քառեակը Քուէյթի Մէջ

29025682_1652530298156911_3105663446815144290_n

Քուէյթի մէջ ՀՀ դեսպանութեան հրաւէրով` մենահամերգով հանդէս եկաւ հայ մեծանուն երաժշտահան Արամ Խաչատրեանի անունը կրող պետական լարային քառեակը:

Քուէյթի գլխաւոր համերգային բեմահարթակին` Ապտուլ Հուսէյն սրահին մէջ կազմակերպուած համերգին ներկայ էին գրեթէ բոլոր ցամաքամասերը ներկայացնող երկիրներու դեսպաններ, դիւանագիտական ներկայացուցիչներ, մեր հայրենակիցները:

Իր բացման խօսքին մէջ ՀՀ Արտակարգ եւ Լիազօր դեսպան Մ․ Բադէեան մասնաւորապէս նշեց․

«Հազարամեակներու պատմութիւն ունեցող եւ պետականութեան տարբեր ձեւաչափեր ապրած մեր երկիրը այս տարի Հայաստանի եւ Սփիւռքի մէջ կը նշէ Հայաստանի Հանրապետութեան 100-ամեակը: Այս յոբելեանին նուիրուած տարաբնոյթ ձեռնարկներուն շարքը կը սկսինք համերգային ձեռնարկով` ներկայացնելով մեր հարուստ մշակութային ժառանգութենէն պատառիկ մը: Համոզուած եմ, որ մշակութային երկխօսութիւնը ժողովուրդներու փոխըմբռնման լաւագոյն հարթակն է:

Քառեակին կատարումով (Մ․ Մարգարեան, Հ․ Վարդանեան, Ա․ Թալալեան, Վ․ Հովէեան) Լ․Վ․ Պեթհովենի, Վ․ Մանուկեանի, Կոմիտասի, Ա․Պիացոլայի, Ռ․ Ալթունեանի ստեղծագործութիւնները կ’ուղեկցուէին երկար ծափողջոյններով եւ  բացականչութիւններով:

Համերգին աւարտին՝ դեսպան Մ․ Բադէեան կազմակերպական աջակցութեան համար եւ ի նշան յետագայ համագործակցութեան, երախտագիտական յուշատախտակ փոխանցեց Քուէյթի Մշակոյթի եւ նամակներու ազգային խորհուրդի գլխաւոր քարտուղարութեան` ի դէմս Դոկ․ Պատըրի: Այնուհետեւ դեսպանն ու Դոկ․ Պատըրը շնորհակալութիւն յայտնեցին եւ յուշատախտակ յանձնեցին Ա․ Խաչատրեան պետական լարային քառեակի գեղ․ ղեկավար Վաչէ Հովէյեանին:

29027480_1652530614823546_4455533213264355891_n

Քուէյթ այցելութեան ընթացքին՝ քառեակը հըուրընկալուեցաւ Քուէթի Ազգային առաջնորդարան, ուր զիրենք դիմաւորեց թեմի առաջնորդ Գերապատիւ Տէր Մասիս Զոպուեանը:

28951125_1652530458156895_5638591547209447861_n

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS