Րաֆֆի Տուտագլեան Անարգ Յարձակումի Կ՛ենթարկուի

0511Dudak

Աշխատանքային այցով Պէյրութ գտնուած Րաֆֆի Տուտագլեան, անցեալ Երկուշաբթի, 26 Փետրուարին, Պուրճ Համուտի մէջ, «Շաղզոյեան» կեդրոնի հարեւանութեան, անծանօթ երկու անձերու կողմէ անարգ յարձակումի ենթարկուած է:

Հրապարակագիր, «Թիւֆէնքեան» բարեգործական կազմակերպութեան Հայաստանի եւ Արցախի գործերու տնօրէն Տուտագլեանի քիթը ջարդուած ու աչքը վնասուած է: Յարձակողները փախուստ տուած են դէպքի վայրէն: Րաֆֆիին հետ կը գտնուէր կազմակերպութեան Արցախի գործերու վարիչը:

Հարցումին, թէ արդեօք այդ դէպքը կը կապէ՞ իր հրապարակախօսութեան հետ՝ Րաֆֆին «Հետք»ի թղթակիցին պատասխանած է. «Չեմ գիտեր, ես իմ յօդուածներուն մէջ ամէն տեսակի հարցերու կ՛անդրադառնամ: Իմ գրութիւններս եթէ նեղացուցած են մարդիկ, հարցեր յառաջացուցած են՝ անկեղծօրէն չեմ գիտեր, բայց կ՛ենթադրեմ, որ իմ գրութիւններուս հետ կապուա՛ծ է»:

Դէպքի լուրը համացանցի վրայ արագօրէն տարածուեցաւ եւ բազմաթիւ մեկնաբանութիւններու առիթ հանդիսացաւ: Այդ մեկնաբանութիւններուն հետ կապուած ՀՅԴ Լիբանանի Կեդրոնական կոմիտէն հաղորդագրութիւնը հրապարակեց` դատապարտելով արարքը եւ անընդունելի համարելով կատարուածը ՀՅԴ-ին վերագրելու փորձերը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS