Բախումներ` Թուրքիոյ Զինուժի եւ Սուրիոյ Կառավարական Ուժերու Միջեւ

afrin_e_giren_suriye_guclerine_ates_acildi_h97671_ea6ff

Թուրքիոյ զինուած ուժերը հրետանիէ կրակած է Աֆրին մտած Սուրիոյ կառավարական ուժերու ստորաբաժանումներուն վրայ: Այդ մասին կը յայտնէ սուրիական «Sana» լրատուական գործակալութիւնը:

Աղբիւրին համաձայն` հրետակոծումէն ետք կառավարական ուժերը նահանջած են: Տեղի ունեցածի հետեւանքով զոհուած է 3 սուրիացի զինուոր:

Թուրքիոյ բանակին կողմէ Սուրիոյ կառավարական ուժերուն դէմ կրակ բանալը հաստատած է նաեւ Թուրքիոյ նախագահ Ռեճեփ Թայիփ Էրտողանը` Մակեդոնիոյ նախագահ Գէորգ Իւանովի հետ կայացած համատեղ մամուլի ասուլիսի ժամանակ:

Ըստ թրքական «Anadolu» լրատուական գործակալութեան` Էրտողան մասնաւորապէս ըսած է. «Փետրուար 20-ի երեկոյեան  Աֆրինի ուղղութեամբ շարժուած է  զինուորական շարասիւն, որոնց մէջ եղած են շիական խմբաւորումներ, սակայն մեր հրետանիի գործողութիւններու արդիւնքով անոնք ստիպուած եղան նահանջելու»:

Յիշեցնենք, որ թուրք պաշտօնեաները զգուշացուցած էին, որ, եթէ Սուրիոյ կառավարական ուժերը աջակցութիւն ցուցաբերեն Սուրիոյ քիւրտերուն, որոնց դէմ  թրքական կողմը արդէն շուրջ 1 ամիսէ Աֆրինի մէջ ռազմական գործողութիւն կ՛իրականացնէ, ապա ատիկա վատ հետեւանքներ պիտի ունենայ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS