Հայոց Ցեղասպանութեան Հարցով Անգարան Դժգոհութիւն Յայտնած է Հոլանտան Ներկայացնող Դիւանագէտին

f5a8a7e20ec9f3_5a8a7e20eca26

Թուրքիոյ արտաքին գործոց նախարարութիւն հրաւիրուած է Անգարայի մէջ Հոլանտայի գործերու ժամանակաւոր հաւատարմատար Էրիք Ուեսթսթրադէն, որպէսզի իր դժգոհութիւնը յայտնէ Հայոց Ցեղասպանութիւնը ճանչնալու վերաբերեալ այդ երկրի խորհրդարանին մէջ քննարկման դրուելիք երկու օրինագիծերուն համար:

Վկայակոչելով թրքական «Marmaragazetesi» թերթին կայքը` Ermenihaber.am-ը կը հաղորդէ, թէ Թուրքիոյ արտաքին գործոց նախարարութեան խօսնակ Համի Աքսոյը պնդած է, որ այդ օրինագիծերը, որոնք քննարկման պիտի դրուին խորհրդարանին մէջ յառաջիկայ շաբաթներուն ընթացքին, պատրաստուած են Հոլանտայի հայամէտ քաղաքական գործիչներու կողմէ:

Անոր խօսքերով` Թուրքիոյ որդեգրած դիրքորոշումը 1915-ի վերաբերեալ կը հիմնուի «պատմական իրականութեան եւ իրաւական չափանիշներու վրայ»:

«1915-ը Թուրքիոյ եւ թուրք ժողովուրդի համար զգայուն հարց է: Եւ վերջինիս վերանայումը, ինչպէս նաեւ անոր  քաղաքականացումը հնարաւոր չէ, մանաւանդ, որ անիկա կապ չունի պատմութեան եւ իրաւունքի հետ: Կոչ կ՝ընենք հոլանտացի քաղաքական գործիչներուն՝ վերանայելու Թուրքիոյ վերաբերեալ իրենց կողմնակալ դիրքորոշումը, ինչպէս նաեւ չքաղաքականացնելու պատմութիւնը»,- ըսած է Թուրքիոյ արտաքին գործոց նախարարութեան խօսնակը:

Վերջինս կոչ ըրած է Հոլանտային՝ աջակցելու Թուրքիոյ կողմէ 2005-ին ներկայացուած առաջարկին. ստեղծել պատմաբանններու եւ փորձագէտներու յանձնաժողով` 1915-ին տեղի ունեցած դէպքերը ուսումնասիրելու համար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS