Հայ Մարզիկները Ողիմպիական Խաղերուն Մէջ կը Սկսին Իրենց Պայքարը

80841

Հայաստանի ողիմպիական հաւաքականի անդամները կը սկսին պայքարը՝ 23-րդ ձմեռնային Ողիմպիական խաղերուն մէջ:

Առաջինը՝ Ողիմպիական խաղերուն ընթացքին՝ կը սկսի Քաթիա Գալստեանը, որ ուժերը պիտի չափէ սլացում (sprint) ձեւին մէջ: Նոյն մրցաձեւին մէջ, պիտի պայքարի նաեւ Միքայէլ Միքայէլեանը: Այս մասին կը հաղորդէ Artsakhpress.am-ը։

Յիշեցնենք, որ Հայաստանը ձմեռնային Ողիմպիական խաղերուն կը մասնակցի երեք մարզիկով` դահուկորդներ Միքայէլ Միքայէլեանը, Քաթիա Գալստեանը եւ լեռնադահուկորդ Աշոտ Կարապետեանը:

Գալստեանը երկրորդ մեկնարկը պիտի ունենայ Փետրուար 15-ին: Միքայէլ Միքայէլեանը՝ տղամարդոց ազատ ոճին մէջ (15 քմ)՝ պիտի մրցի Փետրուար 16-ին: Փետրուար 18-ին, իր առաջին մեկնարկը՝ հսկայ ոլորավայրէջքի մէջ՝ պիտի ունենայ Աշոտ Կարապետեանը: Ան, Փետրուար 22-ին, ուժերը պիտի փորձէ նաեւ յատուկ ոլորավայրէջքի մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS