Ուիլիեըմ Սարոյեանի Տուն-թանգարանի Բացման Սշխատանքները Ընթացքի Մէջ Են

William Saroyan home to become museum

Ամերիկահայ գրող, համաշխարհային գրականութեան կարկառուն ներկայացուցիչ Ուիլիեըմ Սարոյեանի կենսագրութիւնը, ստեղծագործական կեանքը, ճանապարհորդութիւններու, յուշերու մասին պատմող նիւթերը, նկարները թուայնացուած տարբերակով պիտի ներկայացուին անոր տուն-թանգարանին մէջ, որու երկար սպասուած բացումը կը նախատեսուի Օգոստոս 31-ին` գրողի յոբելեանական 110-ամեակին:

Այս առնչութեամբ «Արմենփրես»-ի թղթակիցը զրուցուած է «Սարոյեան Հաուս» նախագիծի օգնական Անժելա Աւագեանի հետ:

«Այժմ տուն-թանգարանի շինարարական աշխատանքներ չեն տարուիր, քանի որ բանակցութիւններ տեղի կ՛ունենան Ֆրեզնոյի քաղաքապետարանին հետ, եւ այդ գործընթացը դեռ կը շարունակուի: Հաւանաբար, Փետրուարի վերջին կամ Մարտի սկիզբը թոյլտւութիւն ստանանք, եւ բարեկարգման փուլը վերսկսինք»,-նշած է Աւագեան եւ աւելցուցած, որ կարեւորագոյն նիւթերու հաւաքման աշխատանքները դեռ կը շարունակուին:

Ան ընդգծած է, որ թանգարանը ստեղծելով կը ձգտին հնարաւոր չափով հետաքրքրական ու բազմաբովանդակ տեղեկութիւններ, յօդուածներ հաւաքել Սարոյեանի մասին: Թանգարանը պիտի ըլլայ նորգործող եւ նորարարական լուծումներով հարուստ, թանգարանի ֆոլոգրամը այցելուներուն պիտի պատմէ Սարոյեանի կեանքին, անոր ստեղծագործութիւններուն մասին: Ցուցանմուշներուն մեծ մասը` նկարներ, Սարոյեանի ճանապարհորդութիւններու վերաբերեալ յօդուածներ, նօթեր, պիտի ներկայացուին թուայնացուած տարբերակով:

Աւագեանի խօսքով` թանգարանի բացումով կը հետաքրքրուին ոչ միայն հայերը, այլեւ օտարերկրացիները` առաջարկելով իրենց աջակցութիւնը:

«Ռենեսանս» մշակութային եւ զարգացման հիմնադրամը 2016 թուականի Դեկտեմբերին ձեռք բերած է Ուիլիեըմ Սարոյեանի տունը, որ հանուած էր աճուրդի: Այդ իրադարձութենէն ետք «Ռենեսանս»-ի հիմնադիր Արթուր Ջանիբեկեանը հիմնած է «Սարոյեան Հաուս» նախագիծը` ցանկալով գրողին տունը վերածել թանգարանի: Նախագիծը մշակելու համար յայտարարուած էր մրցոյթ, որուն  յաղթած էր «Ստորակէտ» ճարտարապետական արուեստանոցը` առաջարկելով ոչ աւանդական, նորագոյն արհեստագիտական լուծումներով յագեցած նախագիծ: Սարոյեանն ու Սարոյեանի հերոսները, անոնց պատմութիւնները 3D տիպարներով պիտի տեղաւորուին 114 մ2 տարածքի մը մէջ, ուր ժամանակին Սարոյեանը ապրած եւ ստեղծագործած է:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS