Դամասկոսի Հայկական Վարժարանի Դատարկ Հանրակառքը Հրթիռակոծուեցաւ

27751597_1974927986162865_6931808253777031168_n

Կիրակի, 11 Փետրուար 2018-ի յետմիջօրէին, Դամասկոսի Ժարամանա շրջանին մէջ տեղացող հրթիռներուն թիրախ դարձաւ Ազգ. Միացեալ վարժարանի աշակերտներուն փոխադրակառքը: Այս մասին կը հաղորդէ PerioNews-ը։

Աղբիւրը կը նշէ, որ ջախջախուած փոխադրակառքը կայանած էր վարժարանի վարորդին բնակարանին մօտ, որ կը գտնուի վերոնշեալ շրջանին մէջ:

Մէկ շաբաթէ ի վեր «Արեւելեան ալ-Ղութա» շրջանէն «Ժապհեթ Նուսրա» զինեալ ահաբեկչական խմբաւորումը կը շարունակէ հրթիռակոծել Դամասկոսի զանազան շրջաններ, իսկ այսօր՝ Տուելաա, Ժարամանա, ալ-Քասսաա եւ այլն:

Հրթիռ մը ինկած է ալ-Քասսաա շրջանին մէջ գտնուող «Թէքէեան» ակումբին մօտ, ինչպէս նաեւ ֆրանսական հիւանդանոցին կից:

Հրթիռակոծումներու պայթումէն արձանագրուեցան զոհեր եւ վիրաւորներ: Ինչպէս նաեւ վնասուեցան շրջանի շէնքերը՝ բնակարաններ, խանութներ ու ինքնաշարժներ։

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS