Ս.Օ.Խ.-ի Գամիշլիի «Արցախ» Մասնաճիւղի Բարեկենդանը

27857806_1341394909295865_680641269083272793_n

Հովանաւորութեամբ Ճեզիրէի Հայոց Առաջնորդական Փոխանորդ Հոգշ. Տ.Ռուբէն Աբղ.Նալպանտեանի, Ուրբաթ, 9 Փետրուար 2018-ի երեկոյեան ժամը 4:00-ին, ՍՕԽ-ի «Արցախ» Մասնաճիւղի Վարչութիւնը Գամիշլիի «Կիւլպէնկեան» սրահէն ներս բարեկենդանի խրախճանք մը կազմակերպած էր՝ վերապրեցնելու Բարեկենդանի աւանդոյթները եւ մտերմիկ հանդիպումով մը վեր առնելու անոր խորհուրդը։

Բացման խօսքով հանդէս եկաւ մասնաճիւղի վարչութեան ատենապետ Անի Սարգիսեան, որ հակիրճ կերպով անդրադարձաւ Բարեկենդանի աւանդութեան և ժողովրդական սովորութիւններուն, ապա բարի պահեցողութիւն մաղթեց բոլորին։

Յայտագիրը ընդգրկեց զուարճալի խաղեր եւ վիճակահանութիւն։ Հոգշ.հայր սուրբը իր հայրական բարեմաղթութիւնները տուաւ։ Երեկոյթը շարունակուեցաւ հայկական երգերով։

Բժշկհ. Մարի Մելքոն

«Գանձասար»

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS