Ես Հռոմի Պապին Յիշեցուցած Եմ, Որ Մենք Շատ Զգայուն Ենք Հայկական Անհիմն Պնդումներու Նկատմամբ․ Էրտողան

pape-erdogan

Թուրքիոյ նախագահ, իշխող «Արդարութիւն եւ զարգացում կուսակցութեան» (AKP-ԱԶԿ) նախագահ Ռեճեփ Թայիփ Էրտողան կուսակցական ժողովին իր  ունեցած ելոյթի ժամանակ խօսած է Փետրուար 1-ին Հռոմի Ֆրանչիսկոս պապի հետ Վատիկանի մէջ ունեցած հանդիպման մասին:

Ըստ թրքական «Hurriyet» թերթի կայքին` Էրտողան յայտնած է, որ հանդիպման ժամանակ անդրադարձ եղած է նաեւ Հայոց Ցեղասպանութեան հարցին, երբ ինքը Պապին յիշեցուցած  է հարցին վերաբերեալ Թուրքիոյ զգայունութեան մասին:

«Ես եւս մէկ անգամ հնարաւորութիւն ունեցայ անոր յայտնելու, որ մենք շատ զգայուն ենք հայկական անհիմն պնդումներու նկատմամբ: Կը ցանկամ տեղեկացնել, որ Պապը այս հարցով բաւական ողջամիտ մօտեցում ունի»,- մասնաւորապէս ըսած է Էրտողան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS