Արցախցի Մարզիկները Ճիւտոյի Հանրապետական Մրցաշարէն Վերադարձած են Մետալներով

80404

Երեւանի մէջ կայացած է ճիւտոյի հանրապետական մրցաշար` նուիրուած ճիւտոյի հիմնադրման 45-ամեակին. անոր մասնակցած են նաեւ արցախցի մարզիկները:

Ըստ Artsakhpress.am-ի՝ Արցախի ճիւտոյի դաշնութեան գլխաւոր մարզիչ Իվան Ազիզբեկեան ըսած է, որ մրցաշարին Արցախի հանրապետական մանկապատանեկան մարզադպրոցէն մասնակցած է տասը մարզիկ:

«Մեր մարզիկներէն Արման Պարսիյեանցը 21 քկ քաշային կարգի մէջ գրաւած է առաջին տեղը` արժանանալով ոսկէ մետալի եւ պատուոգիրի: 23 եւ 27 քկ քաշային կարգերու մէջ՝ Հայկ Յակոբեան եւ Աշոտ Պարսիյեանց գրաւած են 2-րդ տեղերը եւ արժանացած արծաթէ մետալներու, իսկ 23 եւ 38 քկ քաշային կարգերու մէջ Գոռ Ազատեանը եւ Յարութ Ամիրեանն ալ` 3-րդ տեղեր` արժանանալով պրոնզէ մետալներու»,- տեղեկացուցած է Ի. Ազիզբեկեանը:

Գլխաւոր մարզիչը կարեւոր համարած է նման մրցաշարերուն մասնակցիլը եւ նշած, որ այս կերպ ի յայտ կը բերուին արցախցի լաւագոյն մարզիկները:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS