Ալիեւը Ատրպէյճանի Մէջ Արտահերթ Նախագահական Ընտրութիւններ Նշանակած է

80396

Ատրպէյճանի նախագահ Իլհամ Ալիեւը ստորագրած է հրամանագիր՝ երկրին մէջ արտահերթ նախագահական ընտրութիւններ իրականացնելու վերաբերեալ: Այս մասին, ըստ Artsakhpress.am-ի, կը յայտնէ ատրպէյճանական Trend գործակալութիւնը:

Ատրպէյճանի մէջ արտահերթ նախագահական ընտրութիւնները նշանակուած են 2018 Ապրիլ 11-ին:

2018-ին կը լրանայ Ատրպէյճանի նախագահ Իլհամ Ալիեւի պաշտօնավարման ժամկէտը: Նախագահական ընտրութիւնները պէտք է տեղի ունենային Հոկտեմբեր 17-ին: Իշխող «Ենի Ատրպէյճան» կուսակցութեան թեկնածուն կրկին գործող նախագահ Ալիեւն էր:

Տակաւին յստակ չէ, թէ որն է արտահերթ նախագահական ընտրութիւններ իրականացնելու պատճառը: Ատրպէյճանի կեդրոնական ընտրական յանձնաժողովին յանձնարարուած է ապահովել ընտրութիւններու իրականացումը` համաձայն Ընտրական օրէնսգրքի:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS