ԼՂ Հարցով Մենք Պիտի Շարունակենք Աջակցիլ ԵԱՀԿ Մինսկի Խումբի Համանախագահներու Աշխատանքին. ԵԱՀԿ Նոր Գործող Նախագահ

angelino

ԵԱՀԿ-ը պիտի շարունակէ աջակցիլ Մինսկի խումբի համանախագահներու աշխատանքին՝ Ղարաբաղեան հակամարտութեան կարգաւորման ծիրէն ներս:

Այս մասին, ըստ Tert.am-ի, Վիեննայի մէջ ԵԱՀԿ մշտական խորհուրդին յայտարարած է ԵԱՀԿ նոր գործող նախագահ, Իտալիոյ արտաքին գործոց նախարար Անճելինօ Ալֆանոն` ներկայացնելով 2018 թուականի ԵԱՀԿ-ի նախագահութեան ծիրէն ներս իր երկրին առաջնահերթութիւնները։

«Ինչ կը վերաբերի Լեռնային Ղարաբաղին, մենք պիտի շարունակենք աջակցիլ ԵԱՀԿ Մինսկի խումբի համանախագահներու աշխատանքին՝ հակամարտութեան կարգաւորման ծիրէն ներս»,- ըսած է ԵԱՀԿ նախագահը:

Ալֆանոն նշած է, որ ԵԱՀԿ-ի դիրքորոշումը անփոփոխ պիտի մնայ չկարգաւորուած հակամարութիւններուն վերաբերեալ, եւ այդ հարցերը պիտի մնան կազմակերպութեան ուշադրութեան առարկան:

«Ձգձգուած հակամարտութիւններու կարգաւորումը պիտի շարունակէ մնալ կազմակերպութեան ուշադրութեան առարկան»,- ըսած է ան:

Յիշեցնենք, որ այս տարուան Յունուար 1-էն ԵԱՀԿ-ը կը նախագահէ Իտալիան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS