Օփրա Ուինֆրի Խորհուրդ Կու տայ Ընթերցել Հայոց Ցեղասպանութեան Մասին Գիրքը

oprah_winfrey

Ամերիկացի յայտնի հեռուստալրագրող եւ հաղորդավարուհի Օփրա Ուինֆրի Հայոց Ցեղասպանութեան մասին գիրքը կը համարէ ընթերցանութեան համար պարտադիր:

Օփրա Ուինֆրիի պլոքը Երկուշաբթի յայտարարած է, որ New York Times-ի պեսթսելըր հեղինակ Քրիս Պոհճալեանի Հայոց Ցեղասպանութեան մասին վէպը` «Աւազէ ամրոցի աղջիկները» (The Sandcastle Girls), շաբաթուան պարտադիր ընթերցելու գիրք, կը յայտնէ  “Սիվիլնէթ”-ը՝ վկայակոչելով Ամերիկայի Հայ դատի յանձնախումբը:

Յայտարարութիւնը առաջին անգամ տեղադրուած էր Oprah.com կայքին մէջ, որու խմբագիրները իրենց հետեւորներուն կը ներկայացնեն «ամենաթարմ գիրքերը, որոնցմէ անոնք ի վիճակի չեն կտրուելու»: Այս շաբաթ «Աւազէ ամրոցի աղջիկները»-ը կը գլխաւորէր այդ ցուցակը:

Իր 15-րդ`«Աւազէ ամրոցի աղջիկները» գիրքին մէջ Պոհճալեան մեզի կը տանի շատ իւրօրինակ ուղեւորութիւն մը: Պատմութեան կծիկը ընթերցողին կ՛ուղեկցի 1915 թուականի Հալէպի, Սուրիոյ ճամբաներով` հասնելով մինչեւ 2012 թուական` Պրոնքսուիլ, Նիւ Եորք․ ուշագրաւ սիրոյ  պատմութիւն մը` համեմուած հեղինակի հայկական արմատներով, որու շնորհիւ ան հեղինակին խիստ անձնական վէպն է:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS