Էրտողան Յայտարարած է, որ Թրքական Զինուած Ուժերը Պիտի Մտնեն Ոչ Միայն Սուրիական Աֆրին, Այլեւ Գամիշլի

erdogan

Թուրքիոյ նախագահ Ռեճեփ Թայիփ Էրտողան յայտարարած է, որ թրքական զինուած ուժերը «պիտի մաքրեն» ահաբեկիչները Սուրիոյ հիւսիսէն` խօսելով ոչ միայն Աֆրինի ու Մանպիճի, այլեւ Գամիշլիի մասին, կը հաղորդէ «Թերթ»-ը՝ վկայակոչելով «Պիրկիւն» պարբերակին:

«Ահաբեկիչներէն պիտի մաքրենք Աֆրինը, Մանպիճը, Թել Ապեատը, Գամիշլին: Ահաբեկիչներուն, որոնց երես կու տան մեր ռազմավարական դաշնակիցը համարուողները, ինչպէս այսօր, այնպէս ալ միշտ, պիտի նեղենք: Մենք կը դժուարանանք հասկնալ, թէ այս հարցով ինչ կա՞յ մեր դաշնակիցին մտքին, սակայն մեր որոշումը յստակ է. ոչ ոք թող նեղանայ, ով որ մեր դիմաց դուրս ելլէ` գլուխը պիտի ճզմենք, անցնինք վրայով», – յայտարարած է Էրտողան` խօսելով Սուրիոյ տարածքին գործող քրտական զինուած ջոկատներու (YPG) մասին, որոնք կը վայելեն ԱՄՆ-ի աջակցութիւնը:

Նշենք, որ Սուրիոյ հիւսիսը գտնուող Գամիշլին ունի մեծաթիւ հայ համայնք:

Աւելի առաջ Էրտողան, խօսելով Սուրիոյ հիւսիսը գտնուող Աֆրին քրտաբնակ շրջանի մասին, ըսած էր, որ իրենք չեն կրնար անտեսել այդ կողմի` իրենց սահմաններու համար ներկայացուցած վտանգը ու չեն վարանիր անհրաժեշտ քայլերը ձեռնարկելու հարցով:

Էրտողան նաեւ յայտարարած էր, որ Սուրիոյ հիւսիսային Աֆրին շրջանին մէջ իրականացուելիք ռազմական գործողութեան ծիրէն ներս սերտօրէն պիտի համագործակցին Ռուսիոյ հետ:

Յիշեցնենք, որ Աֆրինի հարցը քննարկման դրուած վերջերս Սոչիի մէջ կայացած Ռուսիոյ-Իրան-Թուրքիա եռակողմ գագաթնաժողովին

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS