Թրքական Համալսարանի Փրոֆէսըրը Իջեցուցած է Ատրպէյճանի Դրօշակը եւ Պահանջած է Վերադարձնել Հայաստանի Դրօշակը

77983

Թուրքիոյ Պուրսա քաղաքի Ուլուտաղի համալսարանին մէջ Հայաստանի եւ Ատրպէյճանի դրօշակներուն համար մեծ աղմուկ յառաջացած է:

Ըստ News.am-ի՝ Ուլուտաղի ատրպէյճանցի ուսանողները յայտարարած են, թէ Դեկտեմբեր 5–ին նկատած են, որ Ատրպէյճանի դրօշակը կը բացակայի համալսարանի առջեւէն:  Համալսարանին մէջ անոնց պարզաբանած են, թէ դրօշակները կը նորոգուին եւ մէկ շաբաթ անց նոր դրօշակ պիտի տեղադրուի:

Մէկ շաբաթ անց՝ ատրպէյճանցի ուսանողները տեսած են, որ դեռ դրօշակը չկայ, համալսարանի ղեկավարութեան յայտնած են, որ կ՝ուզեն իրենց ուժերով կախել Ատրպէյճանի դրօշակը:

Սակայն, դրօշակներու հարցերով պատասխանատու, իսլամի պատմութեան դասախօս, փրոֆէսըր Սալիհ Փայը ատրպէյճանցի ուսանողներուն ըսած է, որ օրեր առաջ անհետացած է Հայաստանի դրօշակը եւ կասկածը նոյնինքն ատրպէյճանցիներուն վրայ է, եւ եթէ անոնք վերադարձնեն Հայաստանի դրօշակը, փրոֆէսըրը պիտի կախէ նաեւ Ատրպէյճանի դրօշակը:

Ատրպէյճանցիները յաջորդ օրը որոշած են երթալ համալասարան եւ ինքնուրոյն կախել իրենց երկրի դրօշակը, սակայն անոնք շատ զարմացած են, երբ տեսած են մեծ թիւով ոստիկանական մեքենաներ համալսարանին բակը:

Ատրպէյճանցի ուսանողները ստիպուած համալսարանէն դուրս բողոք իրականացուցած են:

Այս թեման մեծ արձագանգ գտած է միայն ատրպէյճանական մամուլի մէջ։

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS