Ընդդիմադիրները Կը Պատրաստուին Ցեղասպանութիւնը Ճանչցող Բանաձեւ Ներկայացնելու Քնեսեթին

YAIR LAPID

Իսրայէլի «Եշ Աթիտ» (Ապագայ կայ) ընդդիմադիր կուսակցութեան ղեկավար Եայիր Լափիտ, անդրադառնալով Թուրքիոյ նախագահ Ռեչեփ Թայիփ Էրտողանի կողմէ հնչող հակաիսրայէլեան յայտարարութիւններուն՝ Իսրայէլի խորհրդարանէն (Քնեսեթ) պահանջած է Թուրքիոյ դէմ յստակ պատժական քայլերու ձեռնարկել:

Թրքական «T24.com.tr» լրատուական կայքը, յղում կատարելով հրէական «Թայմզ աֆ Իսրայէլ» թերթին՝ կը գրէ, որ Լափիտ յայտարարած է, թէ իր կուսակցութիւնը Հայոց Ցեղասպանութիւնը ճանչցող օրէնքի նախագիծ մը պիտի ներկայացնէ Իսրայէլի խորհրդարանին: Այս մասին կը հաղորդէ Ermenihaber.am-ը։

Ան «դիւանագիտական սխալ» կոչած է Անգարային հետ յարաբերութիւնները կարգաւորելու նպատակով 2016-ին կնքուած թուրքիսրայէլեան համաձայնագիրը: «Պէտք չէ վախնանք՝ ո՛չ թուրքերու, ո՛չ պաղեստինցիներու, ո՛չ ալ արաբական աշխարհի սպառնալիքներէն», ըսած է ան:

Հրէական թերթը կ՛աւելցնէ, որ Իսրայէլ ցարդ կը խուսափէր Հայոց Ցեղասպանութեան ճանաչումէն՝ Թուրքիան չզայրացնելու համար։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS