Հայկական Շարժանկարի Թանգարանը՝ Լաւագոյն Թանգարաններէն Մէկը

916122

Հայկական շարժանկարի թանգարանը պիտի ըլլայ կենդանի թանգարան, ուր այցելուները պիտի դիտեն ֆիլմեր, պիտի լսեն դասախօսութիւններ, ինչպէս նաեւ պիտի հանդիպին շարժանկարի գործիչներու հետ:

Ըստ Armenpress.am-ի՝ Դեկտեմբեր 14-ին կայացած է շարժանկարի թանգարանի առաջին խորհրդանշական նմուշներու յանձնման արարողութիւնը: «Յուզիչ է, որ մեր շարժանկարի շատ կարեւոր մասունքներ պիտի հաւաքուին մէկ յարկի տակ: Շարժանկարի թանգարանը պիտի չըլլայ մեռած, այլ` կենդանի, ուր ֆիլմեր պիտի  վերականգնուին, դասախօսութիւններ պիտի ըլլան, ֆիլմեր դիտելու համար եւս պիտի յատկացուի փոքրիկ դահլիճ: Անոր շնորհիւ մենք պիտի շարունակենք մեր երազանքը` հայկական շարժանկարը մարդոց հասցնելու»,- ըսած է  Շարժանկարի մասնագէտներու միութեան նախագահ Յարութիւն Խաչատրեան եւ նշած, որ աշխատանքները պիտի տեւեն մէկ-երկու տարի:

Անոր խօսքով` ՀՀ մշակոյթի նախարար Արմէն Ամիրեանը եւս մեծ ոգեւորութեամբ ընդունած է շարժանկարի թանգարան ստեղծելու գաղափարը:

Արմէն Ամիրեան շնորհաւորած է թանգարան բանալու առաջին քայլերը եւ նշած, որ իրենք արխիւի մէջ ստուգած են, թէ ինչ իրեր կան, որոնք կրնան խօսիլ շարժանկարի պատմութեան մասին, եւ իսկապէս եղած են շատ ցուցանմուշներ:

Թանգարանին մէջ պիտի ցուցադրուի մօտ 100-120 կարեւոր նմուշ, մնացեալը պիտի ըլլան վերացական: Թանգարանը պիտի գործէ Շարժանմկարի մասնագէտներու միութեան շէնքին մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS