Սթոքհոլմի Սբ. Ծննդեան Բարեգործական Ճաշկերոյթը Այս Տարի Նուիրուած էր Հայաստանին

9551_hq

Սթոքհոլմի արքայական օփերայի շէնքին մէջ տեղի ունեցած Սթոքհոլմի Կանանց Միջազգային ակումբի ամենամեայ սբ. Ծննդեան բարեգործական ճաշկերոյթը այս տարի նուիրուած էր Հայաստանին եւ կազմակերպուած ՀՀ դեսպանութեան հետ միասնաբար:

Ցերեկոյթին ներկայ էին արքայադուստր Մարիա Պերնատոթը, Շուէտի մէջ հաւատարմագրուած կին դեսպաններ եւ դիւանագէտներ, շուէտ ազնուականութեան եւ մտաւորականութեան ներկայացուցիչներ:

Միջոցառման աւելի քան 150 մասնակիցներ հնարաւորութիւն ունեցան ծանօթանալու Հայաստանի պատմութեան ու մշակոյթին, տօնական հայկական զարդարանքներով սեղաններու շուրջ համտեսեցին հայկական քաղցրաւենիքներ եւ գինի, ունկնդրեցին Կոմիտասի ստեղծագործութիւնները Շուէտի մէջ բնակող հայ երաժիշտներու «Հայկանի» խումբի կատարմամբ, կը յայտնէ ԱԳՆ մամուլի ծառայութիւնը:

Մասնակիցներուն բաժանուեցաւ Հայաստանի եւ ամանորեայ հայկական աւանդոյթներու մասին դեսպանութեան կողմէ պատրաստուած գրքոյկ եւ հայկական զարդեր եւ քաղցրաւենիք:

Բարեգործական աճուրդով վաճառուած հայկական յուշանուէրներու, քոնեաքներու եւ գինիներու ողջ հասոյթը պիտի տրամադրուի «Արմինիըն Լայթհաուս» բարեգործական հիմնադրամին, որ ընկերային աջակցութիւն կը ցուցաբերէ նիւթապէս անապահով կամ լքուած մայրերուն:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS