Հզօր Երկրաշարժ Իրանի Մէջ

Earthquake

Դեկտեմբեր 13-ին, ժամը 10:04-ին տեղեկութիւն հասած է, որ նոյն օրը, առաւօտեան ժամը 01:41-ին, ՀՀ արտակարգ իրավիճակներու նախարարութեան երկրաշարժագիտութեան պաշտպանութեան ծառայութեան ցանցին կողմէ արձանագրուած է հիւսիսային լայնութեան 30.770 եւ արեւելեան երկայնութեան 57.280 աշխարհագրական տուեալներով (Իրան, Քերման քաղաքէն 53 քմ հիւսիս-արեւելք), օճախի 10 քմ խորութեամբ, 6.1 աստիճանով երկրաշարժ:

Հայաստանի ԱԻՆ-էն կը յայտնեն, որ ստորգետնեայ ցնցման ուժգնութիւնը կեդրոնը կազմած է 8 աստիճան:

Ըստ նախնական տուեալներու՝ զոհերու եւ աւերածութիւններու մասին տեղեկութիւններ չկան:

Յիշեցնենք, որ Դեկտեմբեր 12-ին, Իրանի Քերմանի նահանգին մէջ 6.2 աստիճան ուժգնութեամբ երկրաշարժ մը եղած էր, որմէ տուժած էր 17 մարդ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS