Ատրպէյճանը Շատոնց Սեւ Ցուցակին Մէջ Ներառած է Արցախի Ժողովուրդը, Ապա Նաեւ Հոն Այցելողները. Էդուարդ Նալպանտեան

artsakh

Ատրպէյճանը արդէն շատոնց սեւ ցուցակին մէջ ներառած էր Լեռնային Ղարաբաղի ժողովուրդը, իսկ ապա սկսաւ սեւ այնտեղ ընդգրկել նաեւ բոլոր անոնց, որոնք կ՝այցելեն Լեռնային Ղարաբաղ:

Անոնք, որոնք իրօք խաղաղութեան կը ձգտին, նման բան չեն ըներ: ԵԱՀԿ մասնակից երկիրներու արտաքին գործերու նախարարներու խորհուրդի 24-րդ հանդիպման ընթացքին, ըստ Armenpress.am-ի, նման յայտարարութիւն ըրած է ՀՀ արտաքին գործոց նախարար Էդուարդ Նալպանտեան։

Ի թիւս մէկ տասնեակէ աւելի պատճառներու, թէ ինչու մինչ օրս հնարաւոր չէ եղած առաջընթաց արձանագրել խաղաղ բանակցային գործընթացի մէջ, ՀՀ արտաքին գերատեսչութեան ղեկավարը ընդգծած է Ատրպէյճանի կողմէ հակահայկական ատելութեան քարոզչութեան քաղաքականութեան որդեգրումը: «Ատրպէյճանը աշխարհի բոլոր հայերը կը կոչէ իրեն համար մէկ թշնամի, դասագիրքերուն մէջ հայերը կը ներկայացնէ իբրեւ Ատրպէյճանի ցեղական հակառակորդներ, կ՝ոչնչացնէ տեղաբնիկ հայերու մշակութային ժառանգութիւնը եւ կրօնական կոթողները, կը պնդէ, որ իբր Հայաստանի տարածքները ատրպէյճանական պատմական հողերն են»,- յայտարարած է Էդուարդ Նալպանտեան:

Ան յիշեցուցած է, որ հակառակ նախագահական եւ նախարարական մակարդակներով բազմաթիւ հանդիպումներուն, բանակցութիւններու բազմաթիւ փուլերուն, համանախագահ երկիրներու անխոնջ միջնորդութեան, ԵԱՀԿ-ի եւ այլ կառոյցներու կողմէ համանախագահներու ջանքերուն եւ մօտեցումներուն ցուցաբերուած աներկբայ աջակցութեան, Ատրպէյճանը կը շարունակէ յետքայլ կատարել եւ ուժի կիրառումով խոչընդոտել հակամարտութեան խաղաղ կարգաւորման գործընթացը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS