Յառաջիկայ Տարիներուն Երեւանի 160 Մանկապարտէզներ Պիտի Վերանորոգուին․ Տարօն Մարգարեան

915092

Երեւան քաղաքի 160 մանկապարտէզներ յառաջիկայ հինգ տարիներու ընթացքին պիտի վերանորոգուին: «Արմենփրես»-ի հաղորդմամբ, Էրեբունի վարչական շրջանին մէջ հիմնանորոգուած թիւ 70 մանկապարտէզի բացման արարողութեան ժամանակ, լրագրողներու հետ ճեպազրոյցի ընթացքին ըսած է Երեւանի քաղաքապետ Տարօն Մարգարեան:

 Անոր խօսքով` Երեւանի քաղաքապետարանը ու Եւրոպական ներդրումային դրամատունը համաձայնագիր ստորագրած են, որմով յաջորդ երեք տարիներու ընթացքին Երեւանի շուրջ 40 մանկապարտէզներ վերանորոգուած են: «Երեւանի քաղաքապետարանի պիւտճէով եւ բարերարներու աջակցութեամբ մեր միւս մանկապարտէզները եւս պիտի վերանորոգենք: Մեր նպատակն է, որ մեր երեխաներն ու մեր մանկապարտէզի աշխատակազմը բնական պայմաններու մէջ աշխատին»,- ըսած Տարօն Մարգարեան:

 Շրջելով թիւ 70 հիմնանորոգուած մանկապարտէզին մէջ, Երեւանի քաղաքապետը շնորհակալութիւն յայտնած առաջին տիկնոջը հովանաւորութեան համար: «Մեր ցանկութիւնն է. որ Երեւան քաղաքի բոլոր մանկապարտէզները նման պայմաններ ունենան : Յաջորդ տարիներուն Երեւան քաղաքի մանկապարտէզներուն մէջ պիտի սկսին լայնածաւալ վերանորոգման աշխատանքներ եւ միւս երեխաներն ալ ետ պիտի չմնայ եւ պիտի ունենան նման վերանորոգուած լաւ պայմաններով մանկապարտէզ»,-աւելցուցած է քաղաքապետը:

Էրեբունի վարչական շրջանի թիւ 70, այսուհետեւ «Լապտերիկ» մանկապարտէզը հիմնանորոգուած եւ նոր գոյքով պիտի ընդունի իր 197 սաները: ՀՀ առաջին տիկին Ռիտա Սարգսեանի նախաձեռնութեամբ եւ հովանաւորութեամբ հիմնանորոգուած մանկապարտէզին մէջ ամէն ինչ ստեղծուած էր երեխաներուն օրը հեքիաթ դարձնելու համար` նոր գոյք, պատերէն կախուած գունազարդ նկարներ, գորգեր, խաղալիքներ: Առաջին տիկինը լրագրողներուն յայտնած է, որ ուրախ է աւելի շատ ոչ թէ երեխաներուն, այլ ծնողներուն համար: «Մենք գիտենք, ծնողքը հանգիստ է այն ժամանակ, երբ գիտէ, որ իր բալիկը լաւ պայմաններու մէջ կ՛ապրի: Ինչու կ՛ըսեմ կ՛ապրի, կը մեծնայ, որովհետեւ օրուան ամենամեծ մասը անոնք կ՛անցնեն այս շէնքին մէջ»,-ըսած է ան:

Երեւանի քաղաքապետարանը մանկապարտէզին 778 կտոր գոյք նուիրած է, բարեկարգած է բակը, տեղադրած զրուցատաղաւարներ եւ խաղեր:

Մանկապարտէզը ներգրաւուած էր «Լոյս» եւ «Բիայնա» բարեգործական հիմնադրամներուիվերանորոգման 2017 ծրագրին մէջ: Նախադպրոցական այս հաստատութեան մէջ կը գործէ 6 խումբ: Երեխաներուն հետ տարուող կրթադաստիարակչական աշխատանքները կ՛իրականացնէ 28 աշխատող:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS