«Հայաստան» Համահայկական Հիմնադրամը 25-րդ Տունը Շահագործման Յանձնեց

24301102_1505478582832673_5173853940988445887_nԴեկտեմբեր 6-ին, Մարտունիի շրջանի Ճարտար համայնքին մէջ «Հայաստան» համահայկական հիմնադրամը 4 սենեակնոց բնակարան նուիրեց Պողոսեաններու բազմազաւակ ընտանիքին:

Ըստ «Արցախփրես»-ի՝  «Հայաստան» համահայկական հիմնադրամի Արցախի գրասենեակի ղեկավար Վալերի Ղազարեան ըսած է, որ բնակարանը կառուցուած է Թորոնթոյի տեղական մարմնի շնորհիւ:

24774891_1505478549499343_2823157566742504218_n

«Տան կառուցումը սկսած էր 2016-ի Հոկտեմբերին: Բնակարանը ապահովուած է անհրաժեշտ բոլոր յարմարութիւններով. անիկա նաեւ կահաւորուած է»,- ըսած է Ղազարեան:

Ըստ անոր՝ «Հայաստան» համահայկական հիմնադրամի Թորոնթոյի տեղական մարմնի բարերար Կարպիս Նորեանի միջոցներով երէկ բնակարան մը յաձնուած է Ասկերանի շրջանի Լուսաձոր համայնքի մէջ բնակուող Պետրոսեաններու բազմազաւակ ընտանիքին:

Ան նշած է, որ  բազմազաւակ ընտանիքներուն բնակարաններով ապահովելու ծրագրի ծիրէն ներս «Հայաստան» համահայկական հիմնադրամը 25-րդ տուն շահագործման կը յանձնէ: Այս տարի բնակարան ստացած են 12 ընտանիքներ: Դեռ 10 ընտանիք ալ տուն պիտի ստանայ:

Լուսանկարները` «Հայաստան» համահայկական հիմնադրամին

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS