Պաքու Կը Բողոքէ Նախագահ Բակօ Սահակեանի Ֆրանսա Այցելութեան Գծով

Bako-Sahakyan-Paris-2

Ատրպէյճանի իշխանութիւնները «վճռականօրէն» բողոք յայտնած են երկրին «գրաւեալ» տարածքներուն մէջ հիմնուած «անօրինական» պետութեան (կարդալ՝ Արցախի Հանրապետութեան) նախագահ Բակօ Սահակեանի Ֆրանսա կատարած այցելութեան առնչութեամբ։ Այս մասին, ըստ «Ասպարէզ»-ի, յայտնած է APA-ը։

Ատրպէյճանի արտաքին գործոց նախարարութեան մամլոյ ծառայութեան ղեկավար Հիքմեթ Հաճիեւ, Նոյեմբեր 21-ին, յայտարարած է, թէ Պաքուի մօտ Ֆրանսայի դեսպան Օրելիա Պուշեզը կանչուած է նախարարութիւն, ուր անոր փոխանցուած է Պաքուի բողոքը։

Նշենք, որ Սահակեան Ֆրանսայի մէջ մասնակցած էր Հայաստան հիմնադրամի եւրոպական ֆոնեթոնի պաշտօնական աւարտի արարողութեան, որ տեղի ունեցած էր Նոյեմբեր 19-ին։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS