Մենք Ուշադիր Կը Հետեւինք Լեռնային Ղարաբաղի Տագնապին. Կրեմինկըր

thomas

ԵԱՀԿ-ը ուշադիր կը հետեւի Լեռնային Ղարաբաղի տագնապին: Այս մասին RBC-ի հետ հարցազրոյցի ընթացքին յայտարարած է ԵԱՀԿ-ի ընդհանուր քարտուղար Թոմաս Կրեմինկըր:

«Ի հարկէ, մենք շատ ուշադիր կը հետեւինք զարգացումներուն», ըսած է Կրեմինկըր` աւելցնելով, որ ԵԱՀԿ-ը ունի յատուկ գործիք` ԵԱՀԿ-ի նախագահի անձնական ներկայացուցիչ Անճէյ Գասպրչիքի գլխաւորած առաքելութիւնը, որուն աշխատակիցները ուշադիր կը հետեւին շփման գիծին վրայ տիրող իրավիճակին:

«Մեր անհանգստութիւնը յառաջացուցած էին ոչ վաղ անցեալին տագնապին բռնկման դէպքերը: Իմ դերս` իբրեւ ընդհանուր քարտուղար, աջակցութիւն տրամադրելն է Մինսքի խմբակի երեք համանախագահներուն, որոնց ջանքերը ուղղուած են Լեռնային Ղարաբաղի տագնապի խաղաղ լուծման»,- ըսած է ԵԱՀԿ-ի ընդհանուր քարտուղարը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS