Արցախի Ոսկերչական Արտադրանքը Կրնայ Պահանջուած Ըլլալ Միջազգային Շուկայի Մէջ. Բակօ Սահակեան

171117 TumanPokhNorShenq

Նախագահ Բակօ Սահակեան այսօր այցելած է Ստեփանակերտի Թումանեան փողոցի վրայ կառուցուող բազմաբնակարան շէնքի շինհարթակ եւ ծանօթացած այնտեղ կատարուող աշխատանքներու ընթացքին:

Արցախի նախագահի աշխատակազմի տեղեկատուութեան գլխաւոր վարչութենէն կը յայտնեն, որ երկրի ղեկավարը կարեւոր նկատած է բոլոր չափանիշներուն համապատասխան որակեալ շինարարութեան իրականացումը եւ ժամանակակից ճարտարապետական լուծումներու կիրառումը:

Նոյն օրը  Սահակեան մասնակցած է մայրաքաղաքին մէջ ոսկիի վերամշակման նոր կեդրոնի բացման արարողութեան եւ ծանօթացած կեդրոնի աշխատանքային պայմաններուն:

Նախագահը նշած է, եթէ  աշխատանքները ճիշդ կազմակերպուին Արցախի ոսկերչական արտադրանքը կրնայ պահանջուած ըլլալ միջազգային շուկայի մէջ` շեշտելով այստեղ Հայաստանի եւ սփիւռքի հետ համագործակցութեան անհրաժեշտութիւնը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS