Նոր Ջուղայի Հայ Կանայք Օժանդակութիւն Ցուցաբերած Են Իրանի ՄԷջ Տեղի Ունեցած Երկրաշարժի Տուժածներուն

ջուղա5

Նոյեմբեր 15-ին Նոր Ջուղայի Հայ կանանց գթութեան միութեան վարչութիւնը մարդասիրական օժանդակութիւն  ցուցաբերած է Իրանի Քերմանշահ նահանգին մէջ տեղի ունեցած երկրաշարժի հետեւանքով տուժածներուն:

Ըստ «Հայերն այսօր»-ին՝ նոր Ջուղայէն կը յայտնէ Երանուշ Թահմազեան, նախատեսուած սննդամթերքներու, հագուստներու եւ այլ անհրաժեշտ պարագաներու  փաթեթաւորման եւ աղէտի գօտի առաքելու նպատակով Սպահանի «Բարեկեցութիւն» կազմակերպութեան յանձնելու գործին համագործակցութիւն ցուցաբերեցին  անդամուհիներն  ու  միութեան շարք մը բարեկամներ:

Նշենք նաեւ, որ  այս առիթով Կանանց գթութեան միութիւն  այցելած է   Սպահանի Հայոց թեմի առաջնորդ Տ. Սիփան ծայրագոյն վարդապետ Քեչեճեան, որ բարձր  գնահատելով նախաձեռնութիւնը` յաջողութիւն  մաղթած է միութեան`  աստուածահաճոյ աշխատանքներ կատարելու առումով:

Աւելցնենք նաեւ,  որ նոյեմբեր 16-ին  միութիւնը  ստացած է  օժանդակութիւններ` հայ եւ պարսիկ հայրենակիցներէն, որոնք կ’առաքուին աղէտի վայր:

   

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS