Ատրպէյճան Կը Բողոքէ «Մանկական Եւրոտեսիլ 2017»-ին Հայաստանի Արցախցի Ներկայացուցիչին Պատճառով

1116misha

Ատրպէյճանի հանրային հեռատեսիլի ընկերութիւնը բողոքի նամակ գրած է Եւրոպական հեռարձակողներու միութեան գլխաւոր տնօրէն Նոէլ Քարանին՝ իր դժգոհութիւնը յայտնելով այս տարի Վրաստանի մէջ կայանալիք «Մանկական Եւրոտեսիլ» երգի մրցումին Հայաստանը ներկայացնող արցախցի Միքայէլ Գրիգորեանի մասնակցութեան առթիւ:

Ըստ PanArmenian.net-ի՝ «Թրենտ.ազ»-ը կը յայտնէ, որ ըստ ատրպեճանական  հեռատեսլի ընկերութեան ղեկավարներուն, «գրաւուած տարածքներ»-էն Հայաստանի մասնակիցի ընտրութիւնը «քաղաքական սադրանք» է:

Նամակը  կը յայտնէ, որ Եւրոպական հեռարձակողներու միութիւնը զերծ կը մնայ «քաղաքական խաղեր»-է եւ նկատի կ’առնէ Ատրպէյճանի համար այս «զգայուն հարցը»:

Նշենք, որ 2010-ին Ատրպէյճանի մէջ ընդհատուեցաւ «Եւրոտեսիլ» մանկական երգի միջազգային մրցոյթի հեռարձակումը, երբ Հայաստանի ներկայացուցիչ, արմատներով արացխցի Վլատիմիր Արզումանեան յաղթեց մրցոյթին:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS