Թրամփ Անհրաժեշտ կը Համարէ Փութինի Հետ Համագործակցութիւնը. Սպիտակ Տուն

trump-putin

ԱՄՆ նախագահ Տանըլտ Թրամփ կը կարծէ, որ հարկաւոր է կարեւորագոյն հարցերու շուրջ աշխատիլ Ռուսիոյ իր պաշտօնակից Վլատիմիր Փութինի հետ:

Այս մասին յայտարարած է Սպիտակ տան ներկայացուցիչ Սառա Սանտըրս, կը հաղորդէ Armenpress.am-ը՝ վկայակոչելով «ՌԻԱ Նովըսթի»-ն:

«Նախագահը չ՝երկմտիր այն հարցին շուրջ, որ հարկաւոր է աշխատիլ այդ համաշխարհային ղեկավարին հետ եւ ան կը փափաքի անոր հետ աշխատիլ այն լուրջ մարտահրաւէրներուն վրայ, որոնց այժմ կը բախի մեր երկիրը»,- ըսած է Սանտըրս՝ պատասխանելով լրագրողի այն հարցին, թէ հնարաւո՞ր է արդեօք Ռուսիոյ եւ ԱՄՆ-ի փոխգործակցութիւնը, եւ Թրամփը իրօ՞ք կը հաւատայ Փութինի հաւաստիացումներուն, որ Ռուսիան չէ միջամտած ԱՄՆ-ի մէջ նախընտրական արշաւին ընթացքին:

Սանտըրս ընդգծած է, որ ժամանակն է առաջ շարժելու:

Սպիտակ տան ներկայացուցիչին խօսքով` Ուաշինկթըն Մոսկուայի հետ համագործակցութեան ոլորտներ ունի: «Ատիկա, մասնաւորապէս, կը վերաբերի Սուրիոյ եւ Հիւսիսային Քորէային, ինչպէս նաեւ համաշխարհային այլ մեծ հարցերու»,- ըսած է ան: Նախագահը «կը շարունակէ Ռուսիոյ հետ համագործակցութեան ուղիներ փնտռել, որ պիտի օգնէ Ամերիկային»,- աւելցուցած է ան։

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS