Իրան Համազգային Սուգ Յայտարարած է Երկրաշարժի Զոհերու Յիշատակին

Iran-EarthquakeԻրանի իշխանութիւնները Նոյեմբեր 14-ը համազգային սուգի օր յայտարարած են երկրաշարժի հարիւրաւոր զոհերու յիշատակին, որ նոյեմբեր 12-ին տեղի ունեցաւ Իրաքի հետ սահմանին վրայո: Այդ մասին յայտնած Է IRNA գործակալութիւնը:

Աւելի առաջ եռօրեայ սուգ յայտարարուած էր Իրանի Քերմանշահի նահանգին մէջ, որ աւելի շատ տուժած է երկրաշարժէն: Եւրոպա-միջերկրածովեան երկրաշարժական կեդրոնի տուեալներով` Նոյեմբեր 12-ի երեկոյեան Իրանի եւ Իրաքի սահմանին վրայ մէկը միւսի ետեւէն երկու հզօր ստորգետնեայ ցնցում տեղի ունեցած է 7,2 եւ 7,3 աստիճան ուժգնութեամբ: Անցած գիշեր արձանագրուած են մինչեւ 4,9 աստիճան երկու տասնեակէ աւելի յետցնցումներ:

Ըստ վերջին տուեալներուն` միայն Իրանի մէջ զոհուած Է շուրջ 450 մարդ, տուժած են աւելի քան 7 հազար բնակիչներ: Իրաքի առողջապահութեան նախարարութիւնը յայտնած Է եօթը զոհուածներու եւ աւելի քան 530 տուժածներու մասին, կը հաղորդէ ԹԱՍՍ-ը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS