Արամ Ա. Կաթողիկոս Իր Ցաւակցութիւնը Կը Յայտնէ Իրանի Նախագահին` Պատահած Երկրաշարժին Առիթով

Aram-I_Rouhani

Նոյեմբեր 13-ին Արամ Ա. վեհափառ հայրապետը Իրանի նախագահ` Հասան Ռուհանիին ուղղած իր նամակով, յանուն Մեծի Տանն Կիլիկիոյ կաթողիկոսութեան ու յատկապէս Իրանի հայ համայնքին, իր ցաւակցութիւնը յայտնեց Քերմանշահ նահանգին մէջ պատահած երկրաշարժին առիթով:

Իր ցաւակցական նամակին մէջ վեհափառ հայրապետը յայտնեց նախագահին, որ կը բաժնէ իր եւ Իրանի ժողովուրդին ու յատկապէս երկրաշարժի զոհերու ընտանիքներուն եւ հարազատներուն խոր ցաւը` մաղթելով խաղաղ ու ապահով կեանք շրջանի բոլոր ժողովուրդներուն:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS