Թուրքիա Քաղաքացիութիւն Պիտի Տայ Հազարաւոր Մեսխեթցի Թուրքերու

մեսխեթցի թուրքերԹուրքիա խորհրդային ժամանակներ Վրաստանէն արտաքսուած հազարաւոր մեսխեթցի թուրքերու քաղաքացիութիւն պիտի տայ, կը հաղոսրդէ Սիվիլնէթը:

Թուրքիա քաղաքացիութիւն պիտի տրամադրէ 23 հազար մեսխեթցի թուրքերու, որոնք խորհրդային ժամանակաշրջան Վրաստանէն բռնի տեղահանուած էին: Համայնքը, որ ինքզինք կ՛անուանէ «Ահիսկա թուրքեր», Վրաստանի, Թուրքիոյ եւ եւրոպական կառոյցներու միջեւ տեւական ժամանակ քննարկումներու պատճառ եղած է:

«Աւելի քան 23 000 «Ահիսկա թուրքեր», որոնք Թուրքիա եկած են եւ աւելի քան 10 տարի ապրած են այնտեղ, սակայն մինչեւ այսօր չեն կրցած ստանալ քաղաքացիութիւն եւ աշխատանքի թոյլտւութիւն, պիտի ստանան քաղաքացիութիւն»,- ըսած է մեսխեթցի թուրքերու առաջնորդներէն Զիյաթտին Քասանովը թրքական «Անատոլու» գործակալութեան: Ան Ղազախստանի մայրաքաղաք Ալմաթիի մէջ կը մասնակցէր Ահիսկա թուրքերու համաշխարհային ժողովին (DATUB):

Մեսխեթցի թուրքերը արտաքսուած էին Վրաստանէն 1944 թուականին խորհրդային ղեկավարութեան հրամանով, որ անոնց ներկայութիւնը Թուրքիոյ սահմանամերձ շրջանին մէջ անվտանգութեան սպառնալիք համարած էր: Անոցմէ շատերը ուղարկուած էին Ղազախիստան, իսկ միւսները յայտնուած էին ԽՍՀՄ այլ մասերու մէջ, որոնց մէջ` Ուքրանիոյ:

Վրաստանը, միանալով Եւրոխորհուրդին, պարտաւորուած էր հայրենադարձել մեսխեթցի թուրքերը, սակայն յետագային դժկամութիւն  դրսեւորած է այդ հարցով:

Քասանովի խօսքով` այժմ Թուրքիոյ մէջ կը բնակի շուրջ 80 000 մեսխեթցի թուրք:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS