Հայաստանի Արտակարգ Իրավիճակներու Նախարարութիւնը Պատրաստակամութիւն Յայտնած է Օգնելու Իրանին

iran earthquake

Հայաստանի արտակարգ իրավիճակներու նախարարութիւնը Հայաստանի մէջ Իրանի դեսպանատան եւ Իրանի մէջ Հայաստանի դեսպանատան միջոցով կապ հաստատած է Իրանի իշխանութիւններուն հետ եւ պատրաստակամութիւն յայտնած օգնութիւն տրամադրելու աղէտի հետեւանքներու վերացման գործընթացին:

Ըստ «Արմենփրես»-ի ԱԻՆ մամուլի խօսնակ Նանա Գնդոյեան ըսած է, որ ԱԻՆ միջազգային որակաւորմամբ փրկարարական խումբը արդէն բերուած է բարձր պատրաստուածութեան է եւ կը սպասէ Իրանի պատասխանին: «Պատասխանը ստանալէ ետք մեր փրկարարները պիտի մեկնին օգնութեան»,-ըսած է ան:

Իրան-Իրաք սահմանին վրայ Նոյեմբեր 12-ին տեղի ունեցած երկրաշարժի հետեւանքով զոհուած է 300-էն աւելի մարդ, 2500 հոգի վիրաւոր, 70 հազար մարդ ալ անօթեւան մնացած է: Երկրաշաժը ունեցած է 7.2 աստիճան ուժգնութիւն։ Անոր յաջորդած է 4.5-5.0 ուժգնութեամբ չորս յետցնցում: Երկրաշարժը արձանագրուած է Հայաստանի հարաւային եւ կեդրոնական հատուածին մէջ` 3 աստիճան ուժգնութեամբ:

ՀՀ նախագահ Սերժ Սարգսեան Իրանի նախագահին ցաւակցական հեռագիր յղած է: ՀՀ վարչապետ Կարէն Կարապետեան յայտնած է Իրանի Քերմանշահ նահանգի Ազգալէ բնակավայրի յարակից տարածքին մէջ տեղի ունեցած աւերիչ երկրաշարժի փրկարարական աշխատանքներուն աջակցելու Հայաստանի պատրաստակամութեան մասին:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS