Թուրքիա Ռուսիայէն S-400-ներ Գնած է

S-400Թուրքիոյ պաշտպանութեան նախարար Նուրեթթին Ջանիքլին յայտարարած է, որ իրենք Ռուսիայէն գնած են «S-400» տեսակի ռուսական Հակաօդային պաշտպանութեան (ՀՕՊ) համակարգեր:

 «Էրմէնիհապեր»-ը՝ յղում ընելով  «Anadolu» պետական լրատուական գործակալութեան, կը նշէ, որ այդ մասին ան յայտարարած է Թուրքիոյ Կիրեսուն շրջանին մէջ ունեցած ելոյթի ժամանակ:

 «Այդ գործարքը աւարտած է, S-400-ները  ձեռք բերուեցան»,- ըսած է ան ու աւելցուցած, որ սեփական ՀՕՊ համակարգեր արտադրելու համար EUROSAM ընկերութեան հետ առանձին աշխատաքներ կ՛իրականացնեն:

Թրքական աղբիւրը կը յիշեցնէ, որ երբ 2017-ի Օգոստոս 23-ին Ռուսիա եւ Թուրքիա ստորագրեցին այդ ՀՕՊ համակարգերու վաճառքի վերաբերեալ պայմանագիրը, շարք մը երկիրներ, մասնաւորապէս ՆԱԹՕ-ի անդամ երկիրները, կոշտ կերպով արձագանգեցին ատոր:

Թեմային վերաբերեալ անդրադարձած է նաեւ Թուրքիոյ վարչապետը, նշելով, որ «S-400»-ներու ձեռքբերումը Թուրքիոյ համար ոչ թէ ընտրութիւն էր, այլ՝ անհրաժեշտութիւն:

 Յիշեցնենք, որ  քանի մը օր առաջ ալ Պրիւքսելի մէջ Թուրքիոյ, Ֆրանսայի  եւ Իտալիոյ պաշտպանութեան նախարարները ստորագրած են համաձայնագիր `համատեղ ՀՕՊ համակարգ արտադրելու վերաբերեալ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS