Վանայ Լիճի Յատակին Յայտնաբերուած է Ուրարտական Ժամանակաշրջանի Հնագոյն Ամրոց

van-urartu-tampleԹուրքիոյ  «Yüzüncü Yıl» համալսարանի ջրային հետազօտութիւններու բաժանմունքի դասախօս, փրոֆէսոր Մուսթաֆա Ակքուշը  յայտարարած է, որ Վանայ լիճի յատակին յայնտաբերուած է 3000-ամեայ պատմութիւն ունեցող ամրոց: Ամենայն հաւանականութեամբ ամրոցը կը պատկանի Ուրարտական թագաւորութեան ժամանակաշրջանին:

Ըստ «Էրմէնիհապեր»-ի՝ վկայակոչելով թուրքական «Anadolu» լրատուական գործակալութեան, թուրք փրոֆէսորը յայտնած է, որ ամրոցը ջուրի տակ մնացած է, քանի որ լիճի մակարդակը վերջին 100-ամեակի ընթացքին բարձրացած է շուրջ 150 մեթրով:

Ըստ անոր` բարեբախտաբար  ամրոցի պատերը լաւ պահպանուած են եւ բոլորովին չեն վնասուած: Ատոր նպաստած է մասնաւորապէս լիճի ջուրին աղիութիւնը:

Թուրք փրոֆէսորին կարծիքով լիճը, որ իր մէջ բազմաթիւ առեղծուածներ կը թաքցնէ, կրնայ հետաքրքրել սուզորդներն ու հնագէտները:

Յիշեցնենք, որ Ուրարտուն, կամ Վանի թագաւորութիւնը գոյութիւն ունեցած է Ք.ա. 9–6–րդ դարերուն:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS