Ուսանողները Կը Շարունակեն Դասադուլը եւ Բողոքի Ցոյցը

Students of the institutions of higher education hold a protest action against the law on conscription in front of the RA National Assembly

Students of the institutions of higher education hold a protest action against the law on conscription in front of the RA National Assembly

Տարկէտման իրաւունքը սահմանափակելու դէմ ուսանողներու բողոքի ցոյցը այսօր` Նոյեմբեր 13-ին, կը շարունակուի: Ուսանողները 5-րդ օրն է, որ դասադուլ կ՛ընեն: Անոնք հաւաքուած են Երեւանի պետական համալսարանի դիմաց եւ հրաժարած են մասնակցելէ դասերուն:

Նոյեմբեր 9-ին ուսանողները հանդիպած են վարչապետ Կարէն Կարապետեանի, Պաշտպանութեան նախարար Վիգէն Սարգսեանի եւ Կրթութեան եւ Գիտութեան նախարար Լեւոն Մկրտչեանի հետ: Կառավարութեան շէնքին մէջ երկու ժամ տեւած հանդիպման ընթացքին կողմերը համաձայնութեան չէին եկած:

Նոյեմբեր 10-ի ուշ երեկոյեան հրաւիրուած էր ՀՀ Ազգային անվտանգութեան, պաշտպանութեան եւ ներքին հարցերու յանձնաժողովի արտահերթ նիստ եւ նախագիծը, դրական եզրակացութեամբ, ուղարկուած ԱԺ յառաջիկայ քառօրեայի օրակարգ:

ՊՆ փոխնախարար Արտակ Զաքարեան յայտարարած է, որ օրէնքի նախագիծին մէջ կատարուած են որոշ զիջումներ, մասնաւորապէս բացառիկ տաղանդաւոր ուսանողները պիտի ազատուին զինծառայութենէն: ԱԺ քառօրեան կը մեկնարկէ Նոյեմբեր 14-ին:

«Յանուն գիտութեան զարգացման» նախաձեռնութեան անդամները դասադուլով կը պահանջեն պահպանել ներկայ գործող ակադեմիական տարկէտման իրաւունքի սկզբունքները:

Պաշտպանութեան նախարարութեան առաջարկած «Զինուորական ծառայութեան եւ զինծառայողի կարգավիճակի մասին» օրէնքի նախագիծով կ՛առաջարկուի խիստ սահմանափակել այդ իրաւունքը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS