Սուրիոյ Բանակը Ազատագրած է Ալ Պուքամալ Քաղաքը

syrian armyՍուրիոյ բանակի գերագոյն հրամանատարութիւնը յայտարարած է, որ Սուրիական բանակը իր դաշնակից ուժերուն հետ Տէր Զօրի նահանգին մէջ «Իսլամական պետութեան» ահաբեկիչներէն ազատագրած է Ալ Պուքամալ քաղաքը:  ՍԱՆԱ գործակալութեան փոխանցմամբ` Ալ Պուքամալը արեւմտեան շրջանին մէջ ահաբեկիչներու վերջին յենակէտն էր:

Հրամանատարութեան յայտարարութեան մէջ կ՛ըսուի, որ Ալ Պուքամալ քաղաքի ազատագրումը մեծ  նշանակութիւն ունի, քանի որ ատիկա տարածաշրջանի մէջ ԻՊ կազմակերպութիւն նախաձեռնութեան պարտութեան վկայութիւնն է եւ անոր հովանաւորներու ծրագիրներուն տապալումը:

«Ալ Պուքամալ քաղաքի ազատագրումը ռազմավարական նուաճում է եւ Սուրիոյ տարածքին տարբեր անուններով գործող ահաբեկչական խմբաւորումներու լիակատար ոչնչացման շրջադարձային կէտը»,- ըսուած է յայտարարութեան մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS