Հայաստանն ու Դանիան Կը Դիւրացնեն Անցագիրներու Տրամադրումը

Shavarsh-KocharyanՀՀ կառավարութիւնը համաձայնութիւն տուաւ «Հայաստանի Հանրապետութեան եւ Դանիոյ Թագաւորութեան միջեւ անցագիրներու տրամադրումը դիւրացնելու մասին» համաձայնագրի կնքման առաջարկին, կը հաղորդէ “Արմենփրես”-ը:

ՀՀ արտաքին գործոց նախարարի տեղակալ Շաւարշ Քոչարեան նշած է, որ համաձայնագիրով էապէս կը դիւրացուի Հայաստանի քաղաքացիներու համար Դանիա մուտքի վիզայի ստացումը:

«Հայաստանի քաղաքացիները պիտի կարենան 180 օրուան ընթացքին մինչեւ 90 օր մնալ Դանիոյ եւ շէնկենեան գօտիի այլ երկիրներու տարածքին: Դիւրացումը կը վերաբերի տարբեր խումբերու` գիտնականներուն, հասարակական կազմակերպութիւններու ներկայացուցիչներուն, պատուիրակութիւններու անդամներուն: Ասիկա լուրջ քայլ է` Եւրոպական Միութեան հետ անցագիրներու դիւրացման գործին»,- ըսած է ՀՀ արտաքին գործոց փոխնախարարը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS