Հայ Երեխաները Աւելի Ներդաշնակ Կը Զարգանան` Դպրոցի Մէջ Ճատրակ Ուսանելով

chess-childrenՀայաստանի մէջ նոր սերունդի ձեւաւորման եւ բնաւորութեան զարգացման մէջ շատ կարեւոր կը համարուի դպրոցներու մէջ ճատրակի դասաւանդումը: Այդ մասին յօդուած հրապարակած է Ֆինլանտիոյ ամենամեծ Hufvudstadsbladet (HBL) թերթը, կը հաղորդէ «Փանարմինիըն»-ը:

«Հայ երեխաները ատոր շնորհիւ աւելի ներդաշնակ կը զարգանան, ինչ որ կը հաստատեն Դանիոյ եւ Վենզուելայի հետազօտութիւնները երեխայի կեդրոնացման եւ մտաւոր կարողութիւններու վրայ ճատրակի ազդեցութեան մասին»,- կ՛ըսուի յօդուածին մէջ։

Պարբերականը կը նշէ, որ 2011-ին Հայաստանը առաջինը աշխարհի մէջ ճատրակը իբրեւ պարտադիր առարկայ ներդրեց դպրոցներուն` տարրական դպրոցի 2-4-րդ դասարաններուն մէջ:

«Սակայն երեխաներէն շատերը աւելի վաղ կը ծանօթանան այս մտախաղին, քանի որ ծնողները զանոնք մասնգիտական դպրոցներ կը տանին: Երեւանի այդպիսի դպրոցներէն մէկուն մէջ 5-16 տարեկան 200 աշակերտ կայ: Այդպիսի մասնագիտական դպրոցները Երեւանի մէջ 12-ն են, բոլորը կը ֆինանսաւորուին քաղաքապետարանին կողմէ»,- կը գրէ թերթը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS