Թուրքիա Տեսադիտարկման Սարքեր Տեղադրած է Հայաստանի Հետ Սահմանին Վրայ

cameras in borderԹուրքիա տեսադիտարկման սարքեր տեղադրած է Հայաստանի հետ սահմանին վրայ: Տեսախցիկները տեղադրած է Թուրքիոյ Կարսի շրջանի տեղական ինքնակառավարման մարմինը` սահմանը միշտ հսկելու նպատակով, կը հաղորդէ «Փանարմինիըն»-ը՝ վկայակոչելով Anadolu-ին:

«Սահմանագիծի երկայքով տեսախցիկներու տեղադրման եւ ամրակայման աշխատանքները աւարտած են: Տեսախցիկներու փորձարկումները կը շարունակուին: 2,800 միլիոն թրքական լիրա արժողութեամբ տեսախցիկներու տեղադրման նախագիծը, որ ուղղուած է Կարսի մէջ սահմանագիծը հսկելուն, պիտի կասեցնէ որոշ բացասական երեւոյթներ ու աւելի մեծ անվտանգութիւն պիտի ապահովէ»,-կ՛ըսուի հաղորդագրութեան մէջ:

1993-ին Թուրքիա միակողմանի փակած է օդային եւ ցամաքային սահմանը Հայաստանի հետ: Միջազգային հանրութեան ճնշման տակ օդային սահմանը վերաբացուեցաւ 1995-ին, իսկ ցամաքային սահմանի վերաբացման եւ դիւանագիտական յարաբերութիւններ հաստատելու համար Թուրքիա առաջ կը քաշէր շարք մը նախապայմաններ, որոնցմէ հիմնականն են ԼՂ-ի վերահսկողութեան տակ գտնուող շրջանները Ատրպէյճանին վերադարձը ու Հայոց Ցեղասպանութեան միջազգային ճանաչումէն հրաժարումը: 1991-էն ի վեր յարաբերութիւններու կարգաւորման բազմաթիւ փորձեր եղած են, որոնք անյաջողութեան մատնուած են Թուրքիոյ որդեգրած դիրքորոշման պատճառով:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS