Մեքսիքացի Պատգամաւորները Ծիծեռնակաբերդի Մէջ Յարգեցին Ցեղասպանութեան Զոհերու Յիշատակը

74691Մեքսիքայի խորհրդարանի պատգամաւորներ Պլանքա Մարգարիտա Քուաթա Տոմինկեսը, Մարիա Քրիսթինա Թէրեզա Կարսիա Պռաւոն, Քառլոս Էռնանտես Միրոն Հայաստանի Ազգային ժողովի նախագահի տեղակալ Էդուարդ Շարմազանովի եւ ՀՀ ԱԺ ապատգամաւոր Մարգարիտ Եսայեանի ուղեկցութեամբ Հոկտեմբեր 22-ին այցելած են Ծիծեռնակաբերդի յուշահամալիր:

Ինչպէս կը տեղեկացնէ ՀՀ Ազգային ժողովի հասարակայնութեան եւ տեղեկատւութեան միջոցներու հետ կապերու վարչութիւնը, մեքսիքացի խորհրդարանականները ծաղիկներ խոնարհած են անմար կրակին մօտ եւ լռութեամբ ու խոնարհումով յարգած Սուրբ նահատակներու յիշատակը:

Հիւրերը եղած են նաեւ Հայոց Ցեղասպանութեան թանգարան-հիմնարկ, ծանօթացած Հայոց մեծ եղեռնը հաւաստող փաստաթուղթերուն եւ վաւերագիրներուն, դիտած ցուցանմուշները, գրառում կատարել յուշամատեանին մէջ:

Մեքսիքա-Հայաստան բարեկամական խումբի ղեկավար Պլանքա Մարգարիտա Քուաթա Տոմինկես նշած է. «Ինծի համար պատիւ էր այցելել այս մեծ երկիրը, ճանչնալ հերոսական ժողովուրդը, որ մեծ յարգանք կը վայելէ աշխարհի մէջ: Ես արդէն կը սիրեմ Հայաստանը»:

Մարիա Քրիսթինա Թէրեզա Կարսիա Պռաւօն նշած է. «Մեր համակրանքն ու համերաշխութիւնը կը յայտնեն հայ ժողովուրդին»:

«Ատելութիւնը ձախողման ճանապարհն է»,- նշած է Քառլոս Էռնանտես Միրոն եւ աւելցուցած, որ մարդկութիւնը կ՛աջակցի եւ կը մեծարէ հայ ժողովուրդը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS