Ախալքալաքը Պիտի Ղեկավարէ Եուրիկ Յունանեանը, Նինոծմինդան՝ Անիվարդ Մոսոյեանը

akhalkalak

Վրաստանի կեդրոնական ընտրական յանձնաժողովը հրապարակած է Վրաստանի մէջ տեղի ունեցած տեղական ինքնակառավարման մարմիններու ընտրութիւններուն արդիւնքները, կը հաղորդէ “Երկիրմեդիա”-ն:

Քուէարկութեան մասնակցած է 1,6 միլիոն մարդ կամ ընտրողներու 45,64 %-ը:

Ախալքալաքի մէջ ընտրութիւններուն մասնակցած է 19971 ընտրող (52%):  Քաղաքապետ ընտրուած է իշխող «Վրացական երազանք»-ը ներկայացնող` շրջանային դատախազութեան աշխատակից Եուրիկ Յունանեան` հաւաքելով ընտրողներու ձայներուն աւելի քան 58%-ը: Անոր հիմնական մրցակիցն էր «Վրաստանի հայրենասէրներու դաշինք»-էն առաջադրուած` Ախալքալաքի նախկին ոստիկանապետ, Վրաստանի նախորդ խորհրդարանի պատգամաւոր Սամուէլ Պետրոսեանը:

Նինոծմինդայի մէջ 11627 ընտրող մասնակցած է քուէարկութեան (55%): Ձայներու գերակշիռ քանակով` շուրջ 77%, քաղաքապետ ընտրուած է վրացերէն լեզուի ուսուցչուհի, շրջանային ժողովի նախկին պատգամաւոր Անիվարդ Մոսոյեանը:

Ախալցխայի մէջ քաղաքապետի հայ թեկնածու չէր առաջադրուած:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS