Ստեփանակերտի Մէջ Տեղի Ունեցաւ «Դադիվանք» Ֆիլմի Առաջին Ցուցադրութիւնը

Դադիվանք

Հոկտեմբեր 19-ին Ստեփանակերտի մէջ տեղի ունեցած է «Դադիվանք» փաստավաւերագրական ֆիլմի առաջին ցուցադրութիւնը:

Դադիվանք միջնադարեան վանական համալիրի մասին պատմող ֆիլմի սենարի հեղինակը Հայաստանի մշակոյթի վաստակաւոր գործիչ, «Մովսէս Խորենացի» մետալակիր, «ՀայART» մշակութային կեդրոնի տնօրէն Ռիտա Շառոյեանն է:

Rita sharoyan

Ըստ «Արցախփրես»-ի ֆիլմին հեղինակը ըսած է , որ առաջին անգամ ըլլալով Դադիվանքի մէջ չկրցաւ անտարբեր ըլլալ այդ հրաշքին նկատմամբ:

«Վանքերը պէտք է աղօթող ունենան, եւ մեր առաքելութիւնն է այդ աղօթքին մասնակից դարձնել ողջ հայութիւնը»,-նշած է ան` աւելցնելով, որ յառաջիկային նպատակ ունի ֆիլմը թարգմանել անգլերէն եւ զայն հասանելի դարձնել աշխարհին:

Ֆիլմի բեմադրիչ Աւետիս Պետրոսեան նշած  է, որ նկարահանման աշխատանքները սկսելէ առաջ լիարժէք ծանօթացած է թէ վանքի եւ թէ այնտեղ գտնուող ամէն մէկ խաչքարի պատմութեան:

«Մեր խնդիրն էր Դադիվանքը ներկայացնել` որպէս մեր ազգային ինքնութեան պահպանման համար կարեւոր նշանակութիւն ունեցող սրբավայր մը եւ հայկական մշակոյթի հարստութիւն»,- ըսած է ան նա եւ աւելցուցած, որ իւրաքանչիւր բեմադրի համար հպարտութիւն է իր  ազգի պատմութեան անդրադառնալը:

Արցախի թեմի առաջնորդ Պարգեւ արքեպիսկոպոս Մարտիրոսեանն արժեւորած է է  Դադիվանքը` որպէս զօրեղ սրբավայր մը ամբողջ քրիստոնեայ աշխարհի համար, որովհետեւ այնտեղ գտնուած են սուրբ Դադէ առաքեալի մասունքները, շուրջ 800 տարուան հնութիւն ունեղոց որմնանկարներ, քրիստոնէութիւնը տարածող 500 միաբաններով վանական համալիր:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS