Լեռնային Ղարաբաղի Հարցով Հայաստանը Ատրպէյճանի Համեմատ Շարք Մը Առաւելութիւններ Ունի

zinvor

Eurasianet պարբերականը վերլուծական անդարդարձ կատարած է արցախեան հիմնահարցին եւ գրած, որ Լեռնային Ղարաբաղի հարցով Հայաստանը՝ Ատրպէյճանի համեմատ՝ ունի շարք մը առաւելութիւններ, օրինակ` շահաւէտ աշխարհագրական դիրք:

«Հայաստանի զօրքերը ո՛չ միայն կը վերահսկեն Լեռնային Ղարաբաղը, այլ նաեւ յարակից տարածքները: Հակառակ անոր, որ կողմերը լուրջ պաշտպանական կառոյցներ ստեղծած են սահմանագիծին վրայ, Ատրպէյճանի ռազմական նպատակները կախուած են յարձակման հնարաւորութենէն:

Լայնածաւալ բախումներու պարագային՝ իրավիճակի պահպանումը կը համարուի իբրեւ Հայաստանի յաղթանակ, մինչդեռ Պաքուն ստիպուած պիտի ըլլայ գոհանալ տարածքային փոքր ձեռքբերումներով:

Ասիկա նաեւ ակնյայտ էր 2016 ապրիլեան պատերազմին ժամանակ, երբ ատրպէյճանական զօրքերը՝ 1990-էն ի վեր առաջին անգամ՝ կրցան տարածքներ յափշտակել, սակայն այնքան ալ հաւանական չէ, որ ատրպէյճանական զօրքերը կրնան անվերապահօրէն հաւատալ, որ երկարատեւ պատերազմի պարագային կրնան  նման ձեռքբերումենր ունենալ».- ըստ Panorama.am-ի` նշուած է յօդուածին մէջ:

Յօդուածագիրը կը կարծէ, որ Հայաստանը Ատրպէյճանի յարձակողական մակարդակին հասնելու կարիք չունի:

«Այնուամենայնիւ, Երեւանը իր տրամադրութեան տակ ունի էական ձեռքբերումներ, ինչպէս օրինակ Ս-300 համակարգերը (Ատրպէյճանը եւս ունի այդ համակարգերէն) եւ «իսքանտեր-մ» հրթիռները (Ատրպէյճանը չունի նման համակարգեր)` զէնք, որ առաւել հարկաւոր է զսպման, ո՛չ թէ լիարժէք պատերազմի համար: Ռուսիան կը զինէ երկու կողմերը, որ կը վրդովեցնէ հայերը, սակայն Հայաստանը զէնքը կը գնէ առաւել շահաւէտ գիներով»,- նշուած է յօդուածին մէջ:

Անդրադառնալով Ժընեւի մէջ կայացած Հայաստանի եւ Ատրպէյճանի նախագահներու հանդիպման, յօդուածագիրը կը գրէ, որ այդ հանդիպումէն ետք Հայաստանի եւ Ատրպէյճանի միջեւ նոր հակամարտութեան հաւանականութիւնը որոշ ժամանակով կը յետաձգէ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS