Թուրքիոյ Մէջ Համշէնահայ Մտաւորականի Մը Կինը Ձերբակալուած է

zaderzhali-4

Թուրքիոյ մէջ, ոստիկանութիւնը խուզարկած է համշէնահայ մտաւորական Ճէմիլ Աքսուի տունը եւ ձերբակալած է անոր կինը:

Վկայակոչելով թրքական Gazeteduvar կայքը՝ News.am-ը կը հաղորդէ, թէ Ճէմիլ Աքսուն յայտնած է, որ կինը ձերբակալած են հասարակական ցանցերու մէջ կատարած գրութեան համար: «Թուրքիոյ բնորոշ երեւոյթ…: Դիմատետրի էջին վրայ արձանագրութիւն կատարելու համար՝ առաւօտեան մեր տուն ներխուժեցին, խուզարկեցին, Նուրճանը ձերբակալեցին, իմ համակարգիչն ու քանի մը գիրք տարին իրենց հետ»,– գրած է Ճէմիլ Աքսուն:

Նշենք, որ  Ճէմիլ Աքսուն 2014-էն հրատարակուող համշէնական առաջին ամսագիրի` «Կոր»-ի խմբագրակազմի անդամ է:

Աքսուն իր քաղաքական հայեացքներուն պատճառով՝ 8 տարի անցուցած է թրքական բանտերու մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS