Գիւմրիի Մէջ Վերաբացուած է Հիմնանորոգուած Ռուսթաւելի Փողոցը

middle_1508390046_9906245

Հոկտեմբեր 18-ին Գիւմրիի մէջ վերաբացուած է Կումայրի պատմական կեդրոնի զարգացման ծրագրի ծիրէն ներս հիմնանորոգուած Ռուսթաւելի փողոցը, ուր առկայ են պատմամշակութային նշանակութիւն ունեցող շէնքեր:

ՀՀ վարչապետ Կարէն Կարապետեան ծանօթացած է Ռուսթաւելի փողոցի` մօտ 9000 քմ մակերեսի հիմնանորոգման աշխատանքներու արդիւնքներուն:

2017-ի Մարտի վերջը սկսած աշխատանքներուն ընթացքին վերականգնուած են փողոցի կազատար, ջրատար խողովակները, ելեկտրալարերը: Փողոցը սալապատուած է կրանիտէ նոր սալաքարերով, ամբողջութեամբ կահաւորուած է (լուսաւորութիւն, նստարաններ, ծաղկամաններ):

Կարէն Կարապետեան կարեւոր համարած է Կումայրի պատմական կեդրոնի զարգացման ծրագիրը, պետութիւն-մասնաւոր համագործակցութեամբ Շիրազի եւ Ռուսթաւելի փողոցներու պատմամշակութային արժէքներու վերականգնումն ու ենթակառուցուածքներու բարելաւումը:

middle_1508390046_6829797

Ծրագրի ծիրէն ներս Գիւմրիի պատմական կեդրոնին մէջ պիտի ստեղծուին արուեստներու, արհեստներու, ժամանցի կեդրոններ, կեանքի պիտի կոչուին տարբեր գործարար ծրագիրներ, զբօսաշրջիկներու համար պիտի ստեղծուին հրապուրիչ պայմաններ, հետիոտնի համար` աշխոյժ միջավայր:

Վարչապետը նշած է, որ հիմնանորոգուած փողոցը շատ հաւնած  է, եւ յաջորդը պիտի հիմնանորոգուի Շիրազի փողոցը, ուր կը նախատեսուի շինարարական շխատանքներուն սկսիլ 2018-ի Մարտին:

«Կումայրի պատմական կեդրոնի ծրագիրը անպայման աւարտին պիտի հասցնենք: Կը կարծեմ, որ Ռուսթաւելի փողոցը այսօր համ ու հոտով փողոց է: Մեր հիմնական նպատակն է Գիւմրիի գոյնն ու ինքնատիպութիւնը չկորսնցնելը», – ըսած է  Կարապետեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS