Սերժ Թանկեան Կը Յայտարարէ «7 Ձայնանիշ» Երաժշտական Մարտահրաւէր-մրցոյթ

serj tankianԱշխարհահռչակ ռոք երաժիշտ Սերժ Թանկեան երաժշտական մրցոյթ-մարտահրաւէր յայտարարած է:

«Շատէրը ինծի կը հարցնեն` ուրկէ՞  կու գայ երաժշտութիւնը, ուրկէ կու գան երգերը: Ես խորապէս կը հաւատամ, որ ատոնք կու գան հաւաքական գիտակցութենէ: Ատոնք ոեւէ արուեստագէտի մէջ չեն: Իւրաքանչիւր երգ կը սկսի գաղափարէ կամ հնչիւնէ»,- կ՛ըսէ Թանկեան Youtube-ի մէջ տեղադրուած հոլովակին մէջ:

Մարտահրաւէրը, ըստ երաժիշտին շատ պարզ է: «Դուք ունիք 7 ձայնանիշ (նօթ), որոնցմով պէտք է սկսիք, ուստի ձեր ստեղծագործութեան առաջին 7 ձայնանիշը պէտք է ըլլան այդ 7 նօթաները: Դուք կրնաք ատով ջազ կամ ռոք երգ գրել, կամ սիմֆոնիա. ինչ տեսակ երաժշտութիւն, որ ցանկանաք: Անիկա երեք վայրկեանէն աւելի երկար պէտք չէ ըլլայ: Մնացածը դուք կ՛որոշէք: Ես Սերժ Թանկեանն եմ եւ սա իմ մարտահրաւէրն է` ես կու տամ ձեզի 7 նօթ իսկ դուք ինծի կու տաք ձեր լաւագոյն ստեղծագործութիւնը»,- նշած է ռոք երաժիշտը:

«7 ձայնանիշ» երաժշտական մարտահրաւէրի յաղթողին պիտի տրուի 5000 տոլար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS