Մայր Աթոռը կը Շարունակէ Աջակցիլ Վիրաւոր Զինուորներուն

74179

«Մեծ մխիթարութիւն է որեւէ կերպով զօրաւիգ ըլլալ իրենց կեանքը հայրենիքին նուիրաբերած արիասիրտ զաւակներուն, որոնց ծառայութեամբ ապահով եւ անվտանգ կը պահուին հայրենեաց սահմանները»,- այս մասին նշած է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը՝ Մայր Աթոռ Սուրբ Էջմիածինի մէջ ընդունած, 2016 Նոյեմբերին Ղարաբաղա-ատրպէյճանական զօրքերու սահմանագիծին մարտական գործողութիւններու ժամանակ, ծանրօրէն վիրաւորուած տասնապետ Գէորգ Տատասեանը:

Մայր Աթոռի տեղեկատուական համակարգէն կը յայտնեն, որ զինուորը՝ Նորին Սրբութեան օրհնութեամբ՝ ամիսներ առաջ մեկնելով Հնդկաստան,  Կալկաթայի Ս. Նազարէթ հայկական եկեղեցւոյ վարչութեան աջակցութեամբ՝ ստացած է անհրաժեշտ բուժում:

Վեհափառ Հայրապետը նշած է, որ Մայր Աթոռ Սուրբ Էջմիածինը այսուհետեւ նոյնպէս պիտի շարունակէ աջակցութիւն ցուցաբերել վիրաւոր զինուորներուն՝ իրենց բուժման եւ ապաքինման հարցով:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS